Ljósmyndun
Aldursbil :
Dróttskátar, Rekkaskátar
Markmiðaflokkar :
Leiðtogafærni, Skapandi hugur, Tilveran mín, Hópurinn, Samskipti, Lausnaleit, Ímyndunarafl og listræn tjáning, Áskoranir, Eigin gildi
Kröfur :
Til að fá færnimerkið Ljósmyndun þarftu að þekkja til og geta sýnt flokknum þínum og foringja eftirfarandi:
• Þú þarft að skilja hvenær er viðeigandi að taka mynd og hvenær ekki
• Þú þarft að skilja þann rétt sem þú hefur varðandi myndir sem eru teknar af þér
• Prófaðu mismunandi gerðir myndavéla og reyndu að þekkja muninn
• Lærðu á stillingar á myndavél t.d. ISO, lokahraði og ljósop og hvaða áhrif þær hafa á myndina
• Prófaðu að taka myndir í mismunandi birtu og berðu saman niðurstöðurnar
• Flokkurinn segir sögu eingöngu með ljósmyndum
Lýsing:
Mynd er minning en einnig endursögn af reynslu í daglegu lífi okkar. Það eru margar mismunandi gerðir af myndavélum sem henta við mismunandi tilefni. Hver er munurinn á myndavélinni í símanum og þeirri sem hangir um háls ferðamanna? Í færnimerkinu ljósmyndun færðu að rannsaka mismunandi gerðir myndavéla og öðlast skilning á því hvernig stillingar á myndavél hafa áhrif á lokaútgáfu myndarinnar.
