Dagana 1.-10. nóvember n.k. standa Útilífsmiðstöð skáta Úlfljótsvatni og Rustavi skátamiðstöðin í Georgíu fyrir námskeiði um útinám, umhverfisvitund og sjálfbærni.
Allt að 20 þátttakendur, á aldrinum 18-25 ára, geta sótt námskeiðið frá Íslandi en auk þeirra fara 2-3 starfsmenn frá Úlfljótsvatni með sem leiðbeinendur.
Námskeiðið hlaut Erasmus+ styrk sem gengur upp í ferða- og uppihaldskostnað. Komi einhver kostnaður til með að falla á þátttakendur verður leitast eftir því að halda honum í lágmarki.
Við hvetjum alla róverskáta til að sækja um á þetta flotta námskeið með því að fylla út formið hér að neðan.
Umsóknarfrestur er til 28. júlí.
Nánari upplýsingar um námskeiðið má nálgast
hér.
