Landsmót skáta í fullum gangi

Landsmót var sett á hömrum 20. júlí

Landsmót skáta var sett við hátíðlega athöfn á mánudagskvöld, 20. júlí. Um 1.600 manns taka þátt í mótinu með einum eða öðrum hætti. Þátttakendur koma frá 10 löndum auk Íslands og sjálfboðaliðar frá um 10 löndum leggja einnig hönd á plóg við framkvæmd mótsins. Á svæðinu er því skátar frá 19 löndum.

Á mótsvæðinu er risið sannkallað skátaþorp en hér má finna matvörubúð, heilsugæslu, kaffihús og aðra fjölbreytta þjónustu sem gerir þátttakendum kleift að njóta mótsins til fulls.

Dagskráin er fjölbreytt og skemmtileg svo öll geta fundið eitthvað við sitt hæfi. Skátarnir taka þátt í ýmsum þrautum og leikjum sem reyna á sjálfstæði, en um leið samvinnu. Meðal dagskrárliða eru siglingar hjá siglingaklúbbnum Nökkva, heimsókn á söfn Akureyrar, að byggja tréhús, læra að húlla, drullubolti, kleinugerð við bál og ýmislegt fleira.

Hin margumtalaða Kakókeppni fór fram í gærkvöldi þar sem félögin kepptust við að framreiða besta kakóið. Í dómnefnd voru Þorsteinn Pétursson (Steini P) frá skátagildinu Kvisti, Ingimar Eydal stjórnarmaður Hamra og Harpa Ósk Valgeirsdóttir skátahöfðingi. Sigurvegari í kakókeppni Landsmóts 2026 er skátafélagið Kópar og fengu þau afhendan farandbikar Landsmóts til varðveislu næstu þrjú árin. Þá fengu Bison Brigade og Campfire Coyotes frá Kanada viðurkenningar fyrir sitt framlag.

Myndir segja meira en þúsund orð svo við leyfum þeim tala sínu máli.