Skyndihjálparnámskeið

Skyndihjálparnámskeið frá Skyndihjálparskólanum og samanstendur af 12 kennslustundum um ólík atriði í skyndihjálp. Mikil áhersla er lögð á verklega kennslu þar sem þátttakendur æfa raunhæfar aðstæður og læra að bregðast hratt, örugglega og rétt við bráðatilfellum. 

Námskeiðið verður haldið í Skátamiðstöðinni, Hraunbæ 123, dagana 23. maí klukkan 9-17

Á meðan námskeiði stendur er hægt að fá kaffi, te og vatn en þátttakendur eru hvött til að taka með sér nesti. Einnig er bent á matsölustaði í nálægð við Skátamiðstöðina.

Námskeiðið kostar 24.000 krónur.

SKRÁNING

Skráning er opin á Sportabler en henni lýkur á miðnætti mánudaginn 18. maí.

Skráning er sett á 0 krónur þar sem mörg félög greiða fyrir sína þátttakendur.

Þau sem borga sjálf eru beðin um að haka líka við 'borga sjálf' valmöguleikann og áskilur Skátamiðstöðin sér rétt á að setja skáta í greiðsluferli sem skrá sig á 0 krónum en félög hyggjast ekki greiða fyrir.

SKILMÁLAR

Með því að skrá þig á skyndihjálparnámskeið samþykkir þú eftirfarandi skilmála

1. Þátttakendur sem skrá sig á 0 krónur skuldbinda sig til að greiða fullt gjald ef í ljós kemur að félag hyggst ekki greiða fyrir þau.
2. Staðfestingargjaldið er 10% af námskeiðsgjaldi og er það óafturkræft.
3. Þátttakendur eru ekki sérstaklega slysatryggðir, ábyrgðartryggðir eða vátryggðir að öðru leyti af Bandalag íslenskra skáta (BÍS) í skátastarfi, bent er á að þessar tryggingar eru oft hluti af heimilis- og fjölskyldutryggingum og öðrum almannatryggingum forráðafólks.
4. Meðferð persónugreinanlegra upplýsinga sem skráðar eru vegna þátttöku er í samræmi við samþykkta persónuverndarstefnu BÍS sem finna má hér.
5. Bandalag íslenskra skáta áskilur sér rétt til að halda eftir hluta af gjaldi þátttakandi greiðir sem hér segir: 

• Ef hætt er við þátttöku 1 mánuði fyrir viðburð er staðfestingargjaldi haldið eftir.
• Ef skátinn hættir við þátttöku 3 vikum fyrir viðburð, er 50% af gjaldi haldið eftir.
• Ef skátinn hættir við þátttöku 14 dögum fyrir viðburð, er 75% af gjaldi haldið eftir.
• Ef skátinn hættir við þátttöku þegar skemmra er til viðburðar en sem nemur 14 dögum verður endurgreiðsla engin.

6. BÍS eða umsjónaraðili á þess vegum getur þurft að aflýsa viðburðum og mótum vegna gildra og óviðráðanlegra aðstæðna s.s. vegna náttúruhamfara, hryðjuverka, stríðs, heimsfaraldra o.fl. Við þessar aðstæður áskilur BÍS sér rétt til þess að endurgreiða ekki mótsgjaldið, þótt ávallt sé leitast eftir að hámarka endurgreiðslu til þátttakenda.​

Auk ofangreindra skilmála gilda almennir skilmálar BÍS, sem má lesa hér