Kveikja - starf og stuðningur

Kveikja verður haldin í Skátamiðstöðinni dagana 25. og 26. ágúst!

Kveikja verður með breyttu sniði í ár. Í stað tveggja aðskilinna kvölda verða tvö opin kvöld með mismunandi smiðjum. Öll sem eru foringjar, starfsmenn og stjórnarmeðlimir geta tekið þátt bæði kvöldin. 

Markmiðið er að geta stutt betur við allt frábæra fólkið í skátafélögunum sem gerir ævintýrið að veruleika. Á kveikju verða fjölmargar smiðjur sem eru gott veganesti inn í komandi starfsár. 

Verðið á kvöldið er 2.900 kr. Innifalið í því er kvöldmatur. 

Dagskrá Kvöld 2

Sameiginlegar sveitir þvert á félög

Kraftmiklir drótt- og rekkaskátar, samvinna og samstarf þvert á skátafélög. Heyrum reynslusögur frá foringjum sem hafa verið með skátastarf þvert á félög og ræðum hvernig við getum stutt við drótt- og rekkaskátastarfið.

Námskeið og foringjaþjálfun framundan

Skátaskólinn og leiðbeinendasveitin verða með innlegg um hvað er framundan í námskeiðsefnum. 

Skjólið

Hvernig gekk skjólið á Landsmóti og hvernig munum við halda áfram að nýta þá þekkingi sem kom á landsmóti áfram hjá skátafélögunum inn í vetrarstarfið og áfram á næstu viðburðum. 

Slóði

Halldór Valberg og Signý koma og ræða dagskrárgerð og kynna hina frábæru nýjung, Slóða. Slóði er 

vefsíða þar sem foringjar get nálgast dagskrárhugmyndir en verkefnið er enn í gangi og í framtíðinni 

munu foringjar geta nýtt Slóða til þess skipuleggja alla dagsrká sinna sveita.

Könnuðamerkin​

Starfsráð kemur og við ræðum hvernig skátaforingjum gengur að nýta sér könnuðarmerkin og könnuðarverkefnabækurnar. Hvernig getur BÍS stutt við foringjana til að vinna með könnuðarmerkin.